मेरो जीवन गोपाल

मतवारी प्यारी चाल, मेरो यशोदा को लाल ।
जाके लोचन रसाल, मेरो यशोदा को लाल ।
जाके नीले नीले गाल, मेरो यशोदा को लाल ।
जाके घुंघरवारे बाल, मेरो यशोदा को लाल ।
जाके होंठ लाल लाल, मेरो यशोदा को लाल ।
मैं तो ह्वै गई मालामाल, मेरो यशोदा को लाल ।
प्यारो प्यारो नंदलाल, मेरो यशोदा को लाल ।
मैं नचाऊँ दै के ताल, मेरो यशोदा को लाल ।
मातु पितु पति लाल, मेरो यशोदा को लाल ।
मेरो साँचो यार गुपाल, मेरो यशोदा को लाल ।
मैं तो भई सुहागिनि बाल, मेरो यशोदा को लाल ।
वाने कियो हाल बेहाल, मेरो यशोदा को लाल ।
वो तो बड़ो होत है हाल, मेरो यशोदा को लाल ।
जाके डर डरे काल, मेरो यशोदा को लाल ।
जाकी खोटी चाल ढाल, मेरो यशोदा को लाल ।
नाचे गोपीजन ताल, मेरो यशोदा को लाल ।
जाको विरद दयाल, मेरो यशोदा को लाल ।
मेरो प्यारो नंदलाल, मेरो यशोदा को लाल ।
मेरो मदन गोपाल, मेरो यशोदा को लाल ।
मेरो जीवन गोपाल, मेरो यशोदा को लाल ।
बिनु कारण ‘कृपाल’, मेरो यशोदा को लाल ।